Жас санаты: 7+
«Қазақконцерт» мемлекеттік концерттік ұйымының «Astana musical» мемлекеттік театры «Шаңырақ» атты жаңа эксперименталдық музыкалық перформансын ұсынады.
«Шаңырақ» – бұл жаңа бағыттағы эксперименталды музыкалық перформанс. Барлық көріністер қазақ халқы үшін бірліктің символы – киіз үйдің ішінде сахналанады. Қойылым идеясы мен сюжеті бүгінгі таңда көкейкесті. «Шаңырақ» перформансында Ұлы дала елінің мәңгілік құндылықтары тамаша көрініс тапқан. Олар – ұлттық музыкалық өнер, ежелден келе жатқан әдет-ғұрыптар, уақыт сынынан өткен салт-дәстүрлер. Музыкалық спектакльде адам өмірінің тал бесіктен жер бесікке дейінгі сәттерін қазақтың салт-дәстүрлерімен шебер байланыстырылған. Кейіпкерлердің ішкі сезімдері музыкалық ария, дуэт, трио, хор арқылы ерекше жанрда жеткізілді. Сахналық қойылымның әр кезеңі халық әндерімен әрленіп, музыкалық аспаптармен сүйемелденіп, заманауи хореографиямен үйлесім табады.
Режиссер – «Астана мюзикл» театрының көркемдік жетекшісі Есләм Нұртазин. Либретто авторы – белгілі драматург Әннас Бағдат; композитор – Болатбек Нұрқасымов; режиссер-хореограф – А.Абакаева; костюмдер – Қ.Абишев, хормейстер – А.Абишев.
